Хэрвээ та албан ёсны чухал хүлээн авалтанд явж байгаа бол доорх зүйлүүдийг анхаараарай

• Эзэд ширээнд суухыг уриагүй юм уу, бүсгүйчүүдийг суугаагүй байхад ширээнд суухыг түр азна
• Бүсгүйг ширээнд урихдаа хэзээ ч зүүн гараа өгч болохгүй. Эрчүүд ямар ч тохиолдолд бүсгүйг баруун гараараа дэмнэх ёстой.
• Хажууд суугаа, ялангуяа баруун талд тань байгаа бүсгүйг та таньдаг ч бай, үгүй ч бай үйлчлэх ёстой.
• Амны алчуур захандаа хавчуулж, эсвэл цээжин дээрээ дэлгэж болохгүй. Хамгийн тохиромжтой нь өвдгөн дээрээ дэлгэж тавих.
• Хундагаа хэт өндөр өргөх хэрэггүй.
• Тавагтай шөлөө дуустал халбагадаж, махны эцсийн хэрчмийг идэхийг шамдах хэрэггүй.
• Амны цаас, халбага, сэрээ болон ширээнд тавигдсан бусад зүйлээр оролдож тоглох нь зохимжгүй.
• Амны цаасаар нүүрээ арчиж хэрхэвч болохгүй, харин урууландаа хүргэх төдий хэрэглэх ёстой.
• Хажуугийнхаа хүнийг алгасан бусадтай харилцах хэрэггүй.
• Хутга, сэрээгээ унагаахгүй байхыг хичээ. Хэрвээ унагачихсан бол юу ч болоогүй юм шиг тайван байж шинийг авчруулаарай.
• Ямар нэг хоолыг өөрт чинь тохирдоггүй, эсвэл таалагдахгүй байна гэсэн шалтгаанаар татгалзаж болохгүй. Идмээргүй байгаа бол элдвийн шалтгаан хэлэлгүйгээр татгалзах нь дээр
• Бусад зочдыг эхнийхээ аяга цай, кофег авч амжаагүй байхад нь хоёр дахиа уухын хэрэггүй.
• Цайны халбагаа аягандаа дүрж орхиж болохгүй. Цай, кофегоо хутгачихаад дийзнийхээ дээр гаргаж тавиарай.
• Хооллож дуусаад амны цаасыг эвхэлгүйгээр ширээн дээр орхиорой.
• Эмэгтэйчүүд ширээнээс боссоны дараа босохоо мартуузай. Бүсгүйчүүдийг өрөөнөөс гарсны дараа дахин сууж үргэлжлүүлж болно.
• Хүлээн авалтын эзэд хоолоо түрүүлж идэж, түрүүлж босох нь эелдэг бус. Бүх зочдоо хооллож дуусахыг хүлээх хэрэгтэй.
• Хоолны ширээний ард албан бичиг, захидал унших хэрэггүй.